Ni 4 chhung awh tur Horti Fair, 2018 chu vawiin khan Assembly Annexe Building-ah \an a ni a. A hnawnna inkhawm Assembly Annexe Conference Hall-a neiah a hawngtu Home Minister, Pu R. Lalzirliana chuan, Horticulture Department-in hma a sawn zel leh Mizoram hmun hrang hranga Bazar-ahte Horticulture department kutchhuak hmuh tur tam tak a awm tawh chu thil lawmawm tak a ni tih a sawi a. Tun aia hmasawn tum tura \an la lehzual tura chahin, pangpar chi hrang hrang leh thlai dangte pawhin bazar lunlai an luahlum chho mek chu thil \ha tak a nih thu a sawi. He inkhawm hi Agriculture Addl. Secretary, Pi Lalhrangliani’n a kaihruai a, Director, Dr. Elizabeth Saipari pawhin thu a sawi a. District hrang hranga mimal leh pawl hmala\ha thlan chhuahte hnenah Best Horticulture Entrepreneur, 2018 leh Best Horticulture Farmer, 2018 chawimawina thuziak leh pawisa pek an ni a. Horti Fair-ah hian pangpar, thlai leh thei \iak chi hrang hrang lei theiha zawrh chhuah a ni a, hei bakah hian huan enkawlna mamawh leh hmanraw hrang hrang zawrh a ni bawk. Kumin Horti Fair-ah hian 187 hawn a ni a, nikum khan dawr 140 hawn niin heng dawr hrang hrang hian Rs. 45,97,415 zet an lalut a, kuminah hian hei hi khum theih ngei beisei a ni.
