Zoram Energy Development Agency-in Chhiahtlanga Solar Power Plant a bun chu Rajya Sabha Member, Pu Ronald Sapa Tlau in a hawng

0
225
views

Ministry of New & Renewable Energy bul tuma Zoram Energy Development Agency-in Chhiahtlanga Solar Power Plant a bun chu Rajya Sabha Member, Pu Ronald Sapa Tlau in nimin khan Chhiahtlang Community Hall-ah a hawng. He Solar Plant hian a chak lai berin kawlphetha kilowatt 95,000 a pe chhuak thei dawn a ni.

Hawnna thusawiin Pu Ronald Sapa Tlau chuan he ruahmanna siam tihpuitlin hun nghakhlel taka an thlir chu a hlawhtling ta tih sawiin mipuite chu ni zung chakna hmanga kawlphetha sia chhuah \angkai taka hman tum turin a fuih a, changkanna hi a in\anna chu mihring rilruah a ni tih sawiin, changkanna daltu ber eirukna do tlat turin mipuite a fuih bawk a ni. Hawnna inkhawma thusawitu dang, Pu Lalrinawma MLA chuan tunlai thiamna hmang phaka Chhiahtlang khua siam a ni chu thil lawmawm a ni tih sawiin Rajya Sabha Member, Pu Ronald Sapa Tlau-in Sansad Adarsh Gram Yojana hnuaia khaw entawn tlak ni tura Chhiahtlang khua a thlang chu an vanneihpui tih hre turin mipuite a ngen a ni. He inkhawmah hian Power Secretary, Pu H. Lalengmawia, ZEDA Managing Committee Chairman ni bawk pawhin thusawiin tunah hian Mizoram sorkar chuan ni zung chakna hmang \angkaiin Vankalah kawlphetha megawatt 20, Lungpherah megawatt 30, Lengpuiah megawatt 25 leh Tlungvelah megawatt 2 siam tum mek a, hun reiloteah sorkar building chung hmun remchang apiang hmang \angkaiin ni zung chakna hmang chi Solar Pannel hmangin kawlphetha siam chhuah tum niin a sawi. He inkhawmah hian Zoram Energy Development Agency Director, Pu David Ramnunsanga chuan he project zawhfel nan hian Rs. 1,38,04,000/- sen niin a sawi a, Chhiahtlang khaw chhungah street light 200 dah a nih thu a sawi bawk.