HPC (D) leh Mizoram sorkar inkara remna kawng zawnga inbiakna chhunzawm dawn

0
344
views

HPC (D) leh Mizoram sorkar inkara remna kawng zawnga inbiakna chu tun thla ni 21 leh ni 22, kar leh Ningani leh Zirtawpniah Aizawlah chhunzawm a ni dawn. Sorkar lam a\anga ZONET thudawn danin, he inbiakna chhunzawm turah hian sorkar aiawh te chu Additional Secretary, Pu Lalbiakzama’n a ho ang a, Rural Development Deptt. Director, Pu Lalhriatpuia, SP (CID), Pu Rodingliana Chawngthu, Deputy Secretary Home, Pu Lalthanzuala leh OSD Home, Pu David H. Lalthangliana te pawh an tel ang. HPC(D) lam chu an pawl Working Chairman Pu Lalthangliana Hmar-in a ho ang a, ani b^kah hian Pu Lal\halien leh inbiakna hmasaa tel mi dangte an tel dawn a ni. Home Minister, Pu R. Lalzirliana chuan Mizoram sorkar leh HPC (D), Pu Zosangbera kaihhruai inkara inbiakna hian hma a sawn chho zel niin a sawi a, tuna inbiakna tur hi hlawhtling taka neih theih a nih chuan a dawt leha inbiakna chu thuneitu sang zawkte nen Political level-a inbiakna a nih tawh a beisei thu a sawi. Home Minister chuan HPC(D) nena inbiakna hi huam kim zawka neih theih nan Pu Lalhmingthanga Sinate kaihhruai lam pawh biak tel tum a ni a, amaherawhchu, Pu Lalhmingthanga Sinate pawlte hian Mizoram sorkar, HPC (D) leh sorkar laipui nena inbiak an duh avang leh, tun hma lam a\anga an thil phut, Mizoram sorkarin a pek theih loh, Autonomous District Council pek an phut thu chhawp chhuah an duh avangin sorkar chuan Pu Lalhmingthanga kaihhruai HPC(D) te chu a be dawn lo niin a sawi bawk.