Union Minister of State-in ni hnih chamin Aizawl a rawn tlawh dawn

0
288
views

Union Minister of State for Culture, Environment, Forest & Climate Change, Dr. Mahesh Sharma chuan naktip, ni 15 a\angin ni hnih chamin Aizawl a rawn tlawh dawn. Mizoram sorkar a\anga thu dawn danin Pu Mahesh Sharma hian naktip, Zirtawpniah Dimapur a\angin Helicopter-in Aizawl a lo thleng ang a, tlai dar 3:30-ah Millennium Centre chung zawlah chhungkaw khawsak harsa zual (BPL) tana a thlawna ei rawngbawlna gas connection pek tur a sem chhuak dawn a ni. He programme, Pradhan Mantri Ujjwala Yojona tia hriat hi PM-in Indian Oil Corporation hmanga BPL chhungkaw tana a thlawna ei rawngbawlna gas connection a pekna a ni. He mi retheite ham\hatna scheme hi nikum, May ni 1 khan Uttar Pradesh-a Balia-ah hawn a ni a, hemi hnu hian state hrang hrangah hman zui zel a ni. Union Minister of State for Culture, Dr. Mahesh Sharma hian Inrinni khian Tuikhuahtlangah Archaeological Survey of India Circle Office a hawng ang a, hemi hnu hian New Delhi panin a haw leh dawn a ni. He Office thar atan hian Tuikhuahtlanga All India Radio gate bula Pu Patrick Hauhnar in luah a ni ang.