Hri leng avanga inkharkhipna kalpui a nih avanga pawl 12 exam chawlhsan lailawk chu tun thla ni 22 a chhunzawm turin MBSE in hriattirna an ti chhuak.

He hriattirna vawiina tihchhuahah hian MBSE hnuaia pawl 12 Arts, Science leh Commerce subject-a exam chhunzawm dan tur tarlan a ni a, tunthla ni 22 ah Economics leh Chemistry, ni 23 Ningani-ah Sociology leh ni 24 zirtawp ah Computer science leh Home science subject te exam a ni ang.