He inkhawm Kolasib I&PR Conference-a neih hi Kolasib Bawrhsap, Dr. Arun T-in a hmanpui a, an district-ah hmasawnna tam tak a awm tih sawiin, thil reng reng a ?ha lo lam a darh chak avangin Sorkar hmalakna leh thilpawimawh hrang hrang inhrilhhriatna, Public Infornation Campaign chu a ?angkai hle a ni, a ti. Dr. Arun T chuan, Department hrang hrangin hna tam tak an thawk tih sawiin, chung an hmalakna hrang hrang mipui hriata puanzar a, an hmalaknate langtlak taka mipui hnena puanzar chu a ?ha lama kaihruaitu a nih ngei a beisei tih a sawi. Kolasib Bawrhsap chuan, sorkarin mipui tana ham?hatna hrang hrang a duan zingah NLUP chu a hlawhtlin theih nan a dawngtu mipuite kutah a innghat thui hle tih a sawi a. NLUP dawngtute chu hlawhtlinpui tum ?heuh turin a chah nghal a ni.
He inkhawm kaihruaitu I&PR Director, Pu David L. Thangliana chuan, PIC in a tum ber chu sorkar hmalakna hrang hrang mipui hnena puanzar a ni tih sawiin, langtlang hmalakna a awm theih nana ?anlak chu an thil tum ber a ni, a ti a. A bul?an nan Koladib hman niin, a tahtawlin District Headquarters hrang hrang leh Sud Division-ahte buatsaih chhoh zel tum a ni tih a sawi. Public Infornation Campaign hi tun hma kum 20 kalta vel khan I&PR Department-in a buatsaih ?hin a, hun engemaw chen a khaihlak hnuah tunah hian bul a ?an thar leh a ni. He inkhawmah hian Kolasib-a Department 13-in an hmalakna hrang hrang an sawifiah a ni.
