Mizoram State Legal Services Authority-in misual pawikhawihna tuartu te hnenah kum 5 chhungin zangnadawmna Rs. 3,14,82,000/- a pe chhuak tawh.

0
548
views

SLSA in khaw hrang hranga Para Legal Volunteer te tana lehkhabu a buatsaih tlangzarhna inkhawm vawiina neihah Member Secretary Pu Vanlalenmawia’n zangnadawmna pek dan hi a sawi a, Victims of Crime Compensation scheme hnuaiah misual kut tuarte chuan zangnadawmna hi an dil thei a ni. Kum 2013 atanga 2018 chhungin Lok Adalat ah Case 11514 ngaihtuah tawh a ni a, chung zinga case 5602 chu chinfel a ni tih SLSA member secretary chuan a sawi bawk.

SLSA lehkhabu buatsaih “Para Legal Voulunteers Handbook” tih hi Law Secretary Pi Marli Vankung in a tlangzarh a, Para Legal Volunteer te chu khaw tina awm, dan lama harsatna neiten awlsam tak leh ngampa taka an pan theih an nih avangin mipuite dikna leh chanvo humhalh kawnga mi \angkai tak an ni a ti. Lehkhabu editor Pu Laldinpuia Tlau leh Govt Mizoram Law College Principal Dr. Rualkhuma Colney te pawhin thu an sawi a ni.