International Chin Christian Youth Conference neihna tur Pandal peih fel tep

0
643
views

Naktip, tun thla ni 23-a Lawngtlaia \an tur, International Chin Christian Youth Conference neihna tur Pandal, AOC Veng Field-a sak chu AH&Vety Minister, Pu C.Ngunlianchunga’n vawiin khan a tlawh a, Pandal hi peih fel \ep a ni tawh a, tunah hian a cheina leh tihfel la ngaite buaipui mek a ni. International Chin Christian Youth Conference, Lawngtlaia neih turah hian khawvel hmun hrang hrang a\anga palai an lo kal tur thu dawn a ni tawh a, chungte chu India ram bakah Myanmar, Bangladesh, England, Australia leh USA te a ni a, palai \henkhat chuan he Conference-a tel tur hian Lawngtlai an thleng tawh a ni. National Highway 54 a\anga he Conference nghahna tur, AOC Veng Field panna kawng, PWD-in a blacktop theih nan Lawngtlai West bialtu, Pu C. Ngunglianchunga chuan Rs.7,00,000/- a thawh a, tunah hian he kawng hi blacktop zawh \ep a ni tawh a ni. International Chin Christian Youth Conference Pathianni thleng awh tur hi Ningani zanah CM, Pu Lal Thanhawla’n a hawng dawn a ni.