Tribal Scholarship diltu 62,266 awm

0
348
views

Mizoram Scholarship Board Secretary, Pu JH Zoremthanga’n Academic Session kal mekah Tribal Scholarship diltu 62,266 an awm tih ZONET a hrilh a. Dilna lutte chu enfiah mek a nih thu sawiin, Pre Matric leh Post Matric-ah diltu zat a la hriat theih loh niin a sawi. Pu JH Zoremthanga chuan, Tribal Scholarship dil theih hun hi tun thla ni 17 khan khar a nih thu a sawi a, hun tiam chhunga dilna lut hman lo \henkhat, ngaihhnathiamte pawh an awm thu sawiin, heng mite hi a tlangpuiin internet chak tawk loh vang te, state pawna zirlai, thil tihfel huna tifel hman lote leh engemaw harsatna bik neite niin a sawi a, kar leh lamah chuan sorkar laipuia Tribal Affairs Ministry-ah dilna thehlut turin a kal dawn niin a sawi. Pu JH Zoremthanga chuan, form an endik tawhah lehkha pawimawh thil kim lo te, Bank Account number dik lo siam \hat dil leh te, Aadhar Card dik lo siam \hat ngai a awm nual niin a sawi a, heng lehkha pawimawh kim lo leh thil tih dik tawk lo awmte chu Institution-in a endik hmasa tur a ni a, chumi hnuah an hnena thawn chauh tur a ni chungin, thil dik lo engemaw zat hmuh chhuah a la awm tho niin a sawi. Zawhna chhangin Pu JH Zoremthanga chuan, Scholarship lak theih hun tur chu sawi theih a nih loh thu a sawi a, dilna hi state dang te nen nghah khawm \hin a nih avangin Tribal Affairs Ministry kutah a innghat vek niin a sawi.