Pu John Rotluangliana’n Mizofed kaltlanga Supplier hnen atanga buhfai a man tlawma lei a nih vangin thla tin Sorkar-in cheng vbch 4 atanga vbch 5 vel a hum thei tih House a hrilh

0
417
views

Food, Civil Supplies and Consumer Affairs Minister, Pu John Rotluangliana’n Mizofed kaltlanga Supplier hnen a\anga buhfai a man tlawma lei a nih vangin thla tin Sorkar-in cheng vbch 4 a\anga vbch 5 vel a hum thei tih House a hrilh. FCI a\anga Direct-a buhfai lei lova, Supplier kaltlanga lei a nih chhan chu Mizoram tana \ha ber tura ngaih a nih vang niin a sawi a, a kalphung chu kual deuh angin lang mah se, thil dik lo pakhat mah a awm lo tih a sawi. Supply Minister chuan, buhfai supply tura Mizofed thlan a nih chhan chu hun kal tawh lamah Buhfai Supply tur hi Open Tender hmanga thlan a ni a, a chhang hniam ber hnenah Supply hna hi pek niin, chhan hrang hrang vanga an hna an thawh \hat theih loh avang leh danin a phal angin Mizofed hi buhfai supply tura thlan a ni tih a sawi.

Co-operation Minister, Pi Vanlalawmpuii Chawngthu sawi danin, Mizofed hian kum 2016, August ni 8 a\angin Mizoram Sorkar hnenah Buhfai a supply \an a, buhfai supply tur hi mi hrang hrang hnen a\anga a leichhawn niin, nikum August ni 30 hmalam thleng khan Supply Department hnenah buhfai hi Quintal khat cheng 2,500-in a pe a, nikum August ni 31 a\ang kha chuan Quintal khat cheng 2,750-in a pe a ni. Pi Vanlalawmpuii Chawngthu chuan, Supply Department-in buhfai a supply tir vang hian nasa takin an \hat phah tih a sawi a. Mizofed-in Suplly Department-a buhfai a Supply tur hi midang ta la chhawng lova Direct-a Guwahati a mi lakchhawnte pawh an lo tum ve tawh \hin a, pawisa an neih tam loh avangin an tihhlawhtling thei rih lo tih a sawi.