International Disaster Reduction Day-ah Aizawl District Disaster Management Authority bul tumin Mock Drill neih a ni

0
298
views

Vawiin hi International Disaster Reduction Day a nih angin, Aizawl District Disaster Management Authority bul tumin, lirnghingin chhiatna a thlen thulha chhawmdawlna hna thawh dan tur en chhinna, Mock Drill neih a ni a, Aizawl Bawrhsap pisa, Staff quarters, Solomon’s Cave Market leh Dawrpui Centenary School-ah te Aizawl District Emergency Operation Centre (DEOC)-ah siren tihrik a ni a. DEOC a\ang hian Aizawl Bawrhsap, Dr A.Muthamma hovin National Disaster Response Force, State Disaster Response Force, Fire & Emergency Services, Hospital, MPRO, Police safety team, Traffic Police, PWD, Power & Electricity Department-ah te chhiatna thlenna hmun leh thlen dan rang takin hriattir an ni a. Chung ho chuan chhiatna thlenna hmun 4-te hi an pan nghal a, a hmuna awmsa YMA leh Local Council-te nen thawkhovin chhanchhuah hna hi an thawk nghal a ni. Chhiatna thlenna hmunah hian hliamte chu a hmunah bawihsawm nghal an ni a. Hliam na zual, damdawi in panpui ngaite chu Ambulance leh taxi remchang apiangin rang taka damdawi in panpui nghal an ni. ADDMC Chairman, MPRO leh mi pawimawh dangten Aizawl DEOC hi an thutchilh a. Incident Commander ruat saten chhiatna thlen dan te, thi leh hliam tuar zat te leh a tul apiang a khat tawkin an hriattir reng a. Heng an thu dawnte hi thuthar thehdarhtute leh mipui hriattura puanzar nghal zel a ni bawk. Mock drill hi minute 30 atanga 45 bawr velah zawh fel vek a ni a. Aizawl Bawrhsap Conference Hall-ah ADDMA Chairman hovin mock drill neih dan hi thlir let zui a ni bawk.

Siaha-ah pawh United Nations International Strategy for Disaster Reduction, State leh District Disaster Manangement Authority \angrual buatsaihin Mock drill hi neih a ni a, he Mock Drill hi Bawrhsap Office, DRDA Office, Government High School leh Siaha Vaihpi-ah te neih a ni a, lirnghing na tak, richter scale-a 7.5-a na thleng anga ngaiin hmachhawn dan tur, mipuite zirtir a ni a, Police leh Adventure Club member-ten hliam leh chhanchhuah ngaite an buaipui a, damdawi ina thawkten hliam an enkawl a, mitthite sawngbawl dan an zir nghal bawk a ni. Hemi hnu hian mock drill chungchang hi Dist. Bawrhsap, Pi Harleen Kaur leh Officer-ten an thlir l>t bawk.