Seling-Champhai kawng, National Highway 6 siam that hna ngawrh takin chhunzawm zel

0
264
views

He YMA General Conference hmang turte, tluang taka an kal theihna tura Seling-Champhai kawng, National Highway 6 siam \hat mek pawh ngawrh taka chhunzawm zel a ni a, PWD Chief Engineer, Highway enkawltu, Pu K Lalsawmvela pawhin hnathawh dan hi nimin khan a en a, vawiin khan Champhaia chamin hmun hrang hrang a fang kual a ni. Keifang-Tuivawl-Kawlkulh inkar kawng khuar zual lai leh nal laite chu lung phaha siam \hat zawh thawkhawt a ni tawh a, tun hnaia ruahsur avangin hmun li hmun nga velah siam \hat leh ngai a awm a, hengte hi tun kar chhunga siam \hat hman tum a ni. Kawlkulh leh Khawzawl inkar kawng pawh tunah hian ngawrh taka siam \hat mek a ni a, Khawzawl leh Tuipui inkar kawng te, Tuipui leh Champhai inkar kawng te pawh siam \hat zawh a ni tawh na a, ruah a sur leh \hin avang leh motor lian tlanin kawnga lung phah a rah pil leh \hin avangin siam \hat zui a ngai reng niin an sawi. Champhai District SP chuan Tuivawl leh Champhai inkar kawngah te, Khankawn leh Ruantlang inkar kawngah te leh New Champhai leh Zotlang inkar kawngah te motor lian, ke 6 nei leh a chung lam tlan a khap dawn a, he thup>k hi naktuk zing dar 9 a\anga tun thla ni 20 thleng hman a ni ang.