January leh October inkarah POSCO thubuai 134 ziah luh a ni

0
702
views

Mizoram Police chhinchhiah danin kumin January leh October inkarah DIG Northern Range huam chhungah naupang khuaikhem venna dan, Protection of Children From Sexual Offences (POCSO) dan hmangin thubuai 134 ziah luh a ni a, nikum hetiang hun ai khan thubuai hi 18-in a tam zawk a ni. Tun hnaia Crime Review Meeting-ah hei hi tarlan a ni a, POCSO dan hmanga thubuai ziah luh hi Dist. hrang hrang zingah Aizawl-ah 55, Champhai-ah 30, Kolasib-ah 23, Mamit-ah 17 leh Serchhip-ah 9 ziah luh a ni. Kum 2016 hemi hun chhunga he dan hmanga thubuai ziah luh chu 116 a ni. Kumin January leh October inkar chhung khan Arms Act hmangin thubuai 8 ziah luh a ni a, ND&PS Act hmangin 77, MLPC dan hmangin 181, IT Act hmangin 4 leh Explosive Act hmangin 3 ziah luh a ni.