Labour, Employment, Skill Development and Entrepreneurship Minister, Pu H. Rohluna’n kum 2012-17 chhungin Mizoram Building and Others Constructions Workers Welfare Board member 17,281 hnenah \anpuina, cheng vbc. 5 leh nuai 76 chuang pek a ni tawh tih House a hrilh a. MNF member, Pu Lalruatkima zawhna, ziaka a chhannaah he thu hi sawiin, MBOCWWB atan hian tun thlengin Cess Fund, cheng vbc. 60 leh nuai 74 chuang hmuh a ni tawh niin a sawi. Pu H. Rohluna chuan, sorkar kum kal mek 2017-18 chhung hian MBOCWWB-ah member 1,892 an inziak lut tih sawiin, Cess Fund hi member inziak lut leh an faten kawng hrang hrangin an chhawr thei tih a sawi a, Children’s Education Scholarship-ah cheng 2,000, HSSLC Cash Award cheng 10,000, Medical Assistasnce cheng 10,000 thleng, hnathawhna hmuna boral chu cheng nuai 2, thih dan pangngaia thi chu cheng 10,000, invuina senso atan cheng 1,000, ramtuileilova awmte cheng 30,000, inneih senso atan cheng 3,000, nau neih senso atan cheng 1,000 leh Disability Pension-ah cheng 400 hmuh theih a ni tih a sawi.
