Joint NGO Co Ordination Committee in nimin khan Chief Election Commissioner-ah CEO SB Shasank sawn tura ngenna lehkha an thawn.

0
489
views

 

An lehkha thawnah chuan kum 2014 April ni 7 a ECI in ziaka intiamna a lo neih tawh angin kum 2014 hnu lama Mizorama inthlanna reng reng rengah Tuikuk Tripura Camp a awm ten Mizoram chhungah ngei vote an thlak tawh tur a ni tih anih laiin CEO chuan Tuikuk ten Campa vote an thlak theih dan tur a dap nia an hrait thu leh, hei hi ECI thutlukna lo siam tawh bawhchhiatna nia an hriat thu an sawi a. Tuikuk te chu Mizorama an let hunah E Roll ennawn sak tur tih a nih laiin huntiam chhungin Tuikuk te hi an let duh lova, CEO hmalaknain Tripura-a an Camp ah E-Roll ennawn tuma hmalak a ni a, Form 6, 7 leh 8 te chu sorkar mi leh sa ni lo Tuikuk hotute kutah dah a ni an ti a, hei hi dan bawhchhiatna a nih thu an sawi. NGO Coordination Committee chuan Tuikuk Mizorama rawn let turte enfiahna Indentification slip te chu anmahni hruailetna atan chauha hman tur tia Sorkarin thuchhuah a siam chungin CEO chuan E-Roll endikna atana hman a tum niin an sawi bawk a, Mizoram chu state ralmuang ber leh inthlanna lo neih tawhah bawk muanawm ber a ni chungin State pawn a\anga silai keng police company 40 lai chahluh tuma CEO hmalakna te chu an hriatthiam loh thu an sawi bawk. NGO Coordination Committee chuan CEO chuan Mizo te leh Tuikuk te inkara harsatna thlen thei zawngin hma a la a ni an ti a, hei vang hain a kaihhruaina hnuaiah Assembly inthlanpui muanawm neih theih an rin loh thu sawiin, sawn chhuak nghal turin Election Commission chu an ngen a ni.