Mizoram Journalists’ ten vawiina Chief Electoral Officer Pu SB Shasank a’n Press Conference a koh chu an kalsak lo.

0
293
views

 

Mizoram Journalist Association chuan thuchhuah siamin Chief Electoral Officer Pu SB Shasank- a’n Election Commission of India hnena Principal Home Secretary Pu Lalnunmawia Chuaungo a hekna, National paper a lo lang chungchang zawhfiah tumin MJA member chanchibumi engemaw zatin vawi duailo hmuh an tum a, chhuanlam chi hrang hrang siamin tumah a hmuh duh lo a ni an ti a. Amah Pu SB Shashank duhthusam ang ngeia Election Commission of India in Pu Lalnunmawia Chuaungo chunga action a lak hnuah Chief Electoral Officer hian a hma zawnga a lo hmuh duh loh tualchhung media mite hmuh tuma chawp leh chilh taka Press Conference a nei leh si chu journalist te tham lohnaah an ngai tih an sawi a. sawrkar Press Release hmanga a insawifiah tawh tho bawk avangin a insawithiamn ringawt ngaihthlaksak leh tura a Press Conference kal sak chu MJA chuan tul a ti lo tih pawh sawiin, Mizo mipuite rilru tina zawnga Chief Electoral Officer Pu SB Shashank in hma a la chu MJA chuan pawi a ti hle tih an sawi.