Kanan veng Branch YMA in YMA day pualin an veng thlanmuala thlan lung phun theilo te phun sak

0
601
views

Kanan veng Branch YMA in YMA day pualin an veng thlanmuala thlan lung phun theilo te phun sakin, chhinchhiahna awm mumal tawhlo te an siam \ha. Kanan Branch YMA in thlan an siam hi 11 a ni a, an thlan siam takte hi vengchhung a awm mumal tawhlo leh chhinchhiahna mumal awm tawh lo te a ni a, heng thlan te hi a chhuat phah leh thlanlung chhinchhiahna te an siam sak vek a ni. Kanan Branch YMA hian YMA Day pual hian vengchhung thianfaiin an hnatlang bawk.

Nursery Veng Branch YMA pawhin an veng Govt. Middle School-ah YMA day hi an lawm a, Bialtu MLA Central YMA President hlui Pu Vanlalzawma’n hmanpuiin YMA chu mi dang tana nung tur an nih angin midang tana malsawmna ni chhunzawm zel tur leh tlawmngaihna vawng nung zel turin a chah. Pu Vanlalzawma hian Nursery veng chhunga kumin a pawl 10 leh 12 pass thar mi 60 te hnenah Pu Remkunga ziah English-Mizo Dictionary leh YMA in chawimawina thuziak an buatsaih a hlan bawk. Inkhawm hi Branch YMA Vice President Pu C lalchhanhima’n a kaihruai a, intihlimna an neih bakah section inelna an nei bawk.