Nausel Branch YMA-in YMA dinchampha lawmna-ah Pu K Sapdanga mikhual

0
324
views

Nausel Branch YMA-in YMA dinchampha an lawmna hmanpuitu Vanglaini Editor, Pu K. Sapdanga’n, kum 30 chhung YMA-a a lo inhman ve chhungin mi tupawh \anpui ngai an hmu a nih chuan \anpui an ngaih chhan zawt kher lova \anpui mai \hin tur leh midang an \anpui avanga a lo let leh tur ngaihtuah lo tura an inzirtir \hin thu a sawi a, hei hi YMA dinchhan ber a ni tih sawiin midangte tana malsawmna nih tum \heuh turin YMA member tinte a chah. |angrual Pawl, ZPM Secretary General nibawk Pu K. Sapdanga chuan, Nausel khawtlang nen an inhmelhriat dan chu Politics rawngkai ni mah se, an khuaa a kal hmasak ber \umin an khaw kawng chu a chhiat nasat avangin a siam\ha tura \anlak chu a rilru-ah a lian nghal hle tih a sawi a. Kum 1972 a\anga Mizoram chu UT a hlankai a nih a\angin Nausel awmna, Aizawl East I chu kum 3 chhung Minister ni lovin a bial tih loh chu Chief Minister-te, Cabinet Minister leh Minister senior tak takin an bial \hin chungin vawiin thlenga an khaw kawng a la chhe em reng reng chu pawi a tih thu sawiin, kumin kumtawp lama Assembly inthlanpui neih hunah Pathian leh mipui duhsaknaa MLA Fund hmang theia a awm a nih chuan Nausel khaw kawng siam\hat chu a thil ngaihpawimawh hmasak a nih tur thu leh hetiang ti theia a awm a nih phawt chuan nakkuma YMA Day lawm leh hunah chuan an khaw kawng chu Concrete Block-a siam hman vek a nih tur thu a sawi.

He inkhawm Nausel khaw Community Hall-a neih hi VCP, Pu Malsawmtluanga’n a kaihruai a, YMA Secretary, Pu P. Lala chuan, a mimal sum hmanga an khaw kawng siam saktu Vanglaini Editor, Pu K Sapdanga chunga an lawm em avangin Village Council leh an khawtlang hruaitute inrawnkhawm chuan YMA Day hman a nih rualin Pu K. Sapdanga chawimawi nghal ni se an ti a, YMA Day lawm niah khuallian a tana an sawmna Pu K. Sapdanga’n a tihhlawhtlin sak chu chu an khawtlang an lawm hle tih a sawi. Nausel YMA-in YMA Day an lawmnaah hian YMA President, MUP President, Pu B. Thanga leh mi hrang hrangin thu an sawi a, ziathiamte an zai bakah school naupangin an thiam thil an entira, tlaiah khawtlangin YMA Day lawmna ruai an kilho bawk.