Health Minister chuan National Health Mission thil tum lian ber pakhat chu naupang thihna tih tlem a ni tih sawiin, India rama kumtina nausen leh naupang nunna hlu tak suat thintu zaa sawm chu kawthalo a ni, a ti a. Nipui boruak leh furpui chhovah a hluar thin a, sorkar laipui kaihhruaina hnuaiah Mizoramah pawh kum 2014 atang khan kawthalo dona atana hmalakna IDCF hi kumtin hman thin a ni a ti.
ICDF 2018 thupui atan ‘Kawthalo vanga naupang thihna hi I um bo ang u’ tih hman a ni a, beihpui thlakna hian thun thla ni 28 thleng a awh dawn a. Hemi chhung hian naupang kawthalo enkawl nana tha ber ORS leh Zinc \hatna nasa lehzuala zirtir tum a ni. Sorkar damdawi in, Sub centre leh Anganwadi Centre-ah ORS-Zinc Corner siam a ni ang a, heng hmunah hian naupang kawthalote enkawlna pek an ni dawn a. ORS siam dan te, faina chungchang te leh ORS leh Zinc pawimawhna te thawktute hian an hrilh thin dawn bawk. He programme hawnna inkhawm hi National Health Mission Director Dr. Lalrozama’n a kaihruai a ni.
