Vawiina Aizawl Upper Republic venga an Party Pisa-a bengvar inkhawmah kar kalta thawh\an a\anga inrinni chhunga District 3- Champhai, Serchhip leh Lunglei District-a Election Campaign Rally an neih chungchang a sawinaah Pu Vanlalruata chuan, tunah hian Mizoram hmun hrang hrangah ham\hatna engemaw dawn hmabak neih vanga an awmna ngaia lungawi ang taka la awm te, sorkar tawhte chetphung avanga beisei leh tur chuang hmu tawh lo, a ruka beidawng em em si tam tak an lo awm an hmuchhuak nia sawiin, hei hian Mizoram chhanchhuak tura hma an laknaah phurna thar a pe niin a sawi.
Pu Valalruata chuan, tute emaw mi tlemte tana vote thlak tawh lovin, mimal tinte chuan an mahni tan \heuh vote an thlak a hun tawh hle niin a sawi a, vote an thlaksak leh an aiawh atana an thlantlinte chu an tlin hmaa an hausakna let engemaw zahin a pung nia sawiin, an ni chau ni lovin chung mite \huihhruai, hna pawh thawk lova an kianga chetla \hinte pawh an hausa em em vek niin a sawi a ni.
He inkhawm hi an pawl General Secretary, Pu SL. Ngursailova Sailo-in a kaihruai a, Dy.Chief Organiser, Pu Rochungnunga’n an zin chanchin tlangpui a sawifiah a. Mi\henkhat chuan Prism Party hi intlem si an ti fova, an ni pawhin ni e a ti mai zel \hin nia sawiin, hmun hrang hranga an han kal kual chuan a ruka Prism \an em em tu leh an laka beiseina sang tak nei \hahnem hle niin a sawi a ni.
