Kawlphetha hman man, contracted load chungchang chin fel hun pawh sei ngen

0
349
views

Mizoram Consumer Union-in kawlphetha hman man, contracted load anga pekna tura thil chin fel hun chu kumin December thla tawp thlenga pawt sei turin Power & Electricity Deptt. a ngen. Vawiina an pawl Executive Committee \hu khawm chuan Joint Electricity Regulatory Commission for Manipur & Mizoram ruahman anga kawlphetha hmangtuten an hman man, connected load anga chhuta an pek \hin chu contracted load anga pe tawh tura a tih angin Power Department-a thawkten kumin August thla tir a\anga tun thla thleng hian electric hmangtute nen inremna an siam mek niin an sawi a, mahse Aizawlah pawh veng tam takah bawhzui a la nih loh avang te, Power & Electricity Deptt.-in form a sem chhuah hman dan pawh thiam lo an tam avangte-in, veng tinah JE leh khawtlang hruaituten mipuite chu thil tih dan tur hrilhfiah se, hemi avang hian hun tiam pawh hi December thla thleng pawh sei ni se \ha an tih thu an sawi a ni.

He \hutkhawmna-ah hian ration dawr a\anga buhfai sem chhuahah sehrep a tam nia an hriat thu te, sa tha ip-a thun, buhfai sem \hin chu a \ha tawk lo nia an hriat thu te sawiin, Mizoram sorkarin buhfai, sa tha ip-a thun ni lo, saiipa thun vek, tun thla a\anga sem tawh tur tia a sawi chu retailer \henkhatin an la zawm lo nia an hriat thute an sawi a, Supply Minister, Pu John Rotluangliana chuan buhfai hi tun thla a\ang hian saiipa thun vek sem chhuah tura tih a nih thu leh, buhfai \ha tawk lo awm thei pawh enfiah zel turin Supply Inspector-te hriattir an nih thu a sawi. Minister chuan Food Security Scheme hnuaia tun thla thlenga buhfai sem chhuah tur chu FCI a\anga lak vek niin a sawi bawk.