Kolasib District-a Kawnpui khuaah pawh loneitute ham\hatna ni, Kisan Kalayan Karyashala hi vawiin khan hman a ni a, Awithangpa Hall-a a hmanna inkhawmah thusawiin Pu Hmingdailova Khiangte MLA chuan loneitute ham\hatna atana Prime Minister, Pu Narendra Modi-a hmalakna hi Mizoram sorkar ngaihpawimawh ber NLUP leh NEDP hnuaia kuthnathawktute leh miretheite dawmkanna nen a inhmeh hle niin a sawi a, Politician \henkhatten thlai thar leina tur budget-ah dah a ni ang tih thupuiah nei mahsela, a lei tur ber thlai thar a awm loh chuan awmzia a nei lova, Congress sorkar chuan kuthnathawktuten hralh chhuah tham thlai an thar theihna turin hma a la mek niin a sawi a, reiloteah sorkar hmalakna rah chu a takin a lang chhuak dawn niin a sawi a ni. He inkhawmah hian kum 2022-ah ram chhunga lo neitute thil thar leh sum deh chhuah a leta tihpun tumna chu Agriculture Deptt. leh a kaihhnawih Deptt. hrang hrang, Horticulture, Sericulture, AH&Vety, Soil & Water Conservator leh Fishery Deptt. leh mipui \angrualten an tihhlawhtlin theih dan tur tarlan a ni.
