Mizoram Agriculture Marketing Solution, MAMsol in Mizorama kuthnathawktute tharchhuah sawhthing kg khat cheng 12 aia hniam lovin a lei dawn a, a hralhna rate danglam dan azirin a sang zawnga pung chho zel thei tur a ni.
MAMsol Chairman, Pi T. Lalmuanpuii’n vawiina Aizawl Press Club-a thuthar lakhawmtute a kawmna ah he thu hi a sawi a. Sorkar tan thlai thar lei rem lohna a awm \hin avangin Mizoram Cooperative Apex Bank Ltd.-a thawk mi\henkhat intelkhawm chuan kum 2016 khan Partnership Firm, Mizoram Agriculture Marketing Solution (MAMSol) hi an din a, nikum a\ang khan sawhthing an lei \an niin a sawi. Mizoram Cooperative Apex Bank Ltd. Chairman nibawk Pi T. Lalmuanpuii chuan, Mizoram Cooperative Apex Bank Ltd. hian kuthnathawktute hnenah Loan a pe \hin nia sawiin, thlai thar hralhnaah harsatna an tawh \hin avangin Loan rul \ha thei lo an awm \hin a, he harsatna sukiang tur leh an thlai thar hralh dan ngaihtuah turin MAMSol hi din a ni tih a sawi a. State dang leh Foreign-a Company hrang hrang an dawrkual hnuah nikum a\ang khan Bairabi-a Trade Centre an siamah sawhthing hi an lei \an a, hetah hian Kg. 1 cheng 10-in quintal 15,000 vel an lei hman a, kuminah pawh sawhthing hi lei lehin, a tirah chuan Kg. 1 cheng 12-in an lei a, State dang sumdawngte an inrawlh hnuah sawhthing man hi nasa takin a pung a. Hmun \henkhatah phei chuan nimin tlai khan Kg. 1 cheng 30 leh a aia tovin an hralh hial niin a sawi. Pi T. Lalmuanpuii chuan, State dang sumdawngten Mizorama thlai thar lei leh hralhna thunun-a an duh duh zat a man an bithliah \hin chu \ha lo an tih avanga hetianga hmala ta hi an nih thu pawh sawiin, sawhthing chauh ni lo thlai dang dang pawh lei tura an inpuahchah mek thu a sawi a. Lo neitute kutah an thlai thar hralhna sum a tam thei ang ber lut se tih chu an duh dan a nih thu leh hetiang tur pawh hian hma an lak chhunzawm zel tur thu a sawi bawk. Zawhna chhangin, MAMSol hotute chuan, hnam dang sumdawngten sawhthing hi lei lo pawh ni se, an lei zel tur thu leh chumi atan chuan sum pawh an neih thu an sawi a. An hmalaknaah Sorkar a\anga \anpuina an la hmuh loh thu an sawi rualin, sorkar chuan \anpui a inpeih reng thu a hriattir tawh tih an sawi thung a, a theih chin chinah sorkar tibuai lova kal zel an tum tih an sawi.
