Corona Virus chungchanga vawiin a thuchhuah an siamah Health Deptt chuan, Kerela state ah Corona virus vei mi pathum hmuh ni tawh mahse hriat theih chinah Mizoramah he natna hi ala thleng lo a, China a\anga Mizo zirlai pahnih rawn haw te thisen sample chu Kolkata-a NICED laboratory a endik leh tura thawn nawn leh a ni tih an sawi a, hei hi rinhlelh vang ni lovin fimkhur thu hlaa hmalakna a ni an ti a, China a Mizo zirlai paruk Mizorama rawn let te chu pawn chhuak rih lo tura tih nimahse, tun dinhmunah insawiselna emaw anmahniah danglamna emaw a awm rih lo tih an sawi.
Health Dept chuan mipuite chu China a\anga rawn haw mahni chhungte, \henawm leh hmelhriatte an hriselna dinhmun endik loh palh an awm chuan rang taka deptt hraittir turin an ngen a ni. Health Deptt. chuan, pawimawh takah lo chuan state pawn lam, a bikin Coronavirus hriin a thlen tawhna State leh an \henawm ramah te zinchhuak rih lo turin mipuite an ngen a, he natna chungchanga harsatna nei emaw zawhchian duh nei ten Deptt lamah zawh theih reng a nih thu an sawi bawk.
