Zokhua leh Adventure park hi sorkar laipui a Tourism Ministry hnuaia Swadesh Darshan Scheme cheng nuai 1350 sing 3 sang 7 senga siam a ni a, kum 2017 October-ah hna thawh \an a ni a, nikum August ni 25 khan zawh fel a ni.
Adventure park-ah hian high rope course, zipline, shooting range, climbing wall, tarzanland, spider web, Austrian trolley leh body zorbing te dah a ni a, North East Special Infrastructure Development Scheme hnuaiah hian cheng nuai 560 hmangin Reiek tlanga mamawh zualpui – kea kalna, lirthei dahna, inthiarna, street light, khawthlirna hmun leh thil dang \henkhat siam a nih bakah amphitheatre chei \hat a ni dawn bawk.
Tourism Minister Pu Robert-a chuan, Reiek chu khualzin hipna hmunpui, ram dang mite hriat hlawh khawpa cheibawl tum a nih thu a sawi a. Khualzinte tlawh \hin hmunpuia siam turin sorkar hmalakna bakah Reiek mipuiten tih tur tam tak an nei dawn a ni a ti.
Inkhawm hi Chief Secretary Pu Lalnunmawia Chuaungo in a kaihruai a, Road and Infrastructure Development Board Vice Chairman H. Lalzirliana MLA, Sports, Youth Affairs and Tourism Board Vice Chairman Pu TC Pachhunga leh Deptt hotute an tel a ni.
