Khawchhia leh ruahsur nasa vangin hmun hrang hrangah kawng ping

0
303
views

Nimin atanga khawchhia leh ruahsur nasa avangin Zoram hmun engemawzatah leiminin kawng a hnawh ping. PWD Highway hotute hnen atanga Zonet thu dawn danin National HighWay 54 chu Baktawng Chanbuk bulah leiminin a hnawh pinga, hei hi vawiin khan khawchhe hnuaiah JCB hmanga thenzui a ni a, lirthei chitin kal theihin vawiin tlai khan siam tlang a ni leh tawh a ni. Aizawl-Thenzawl-Lunglei World Bank kawng pawh Muallungthu leh Sateek inkarah leiminin a hnawh ping a, hei hi hun reilote chhungin lirthei chitin kal theiha thenfai leh a ni. National Highway 44-A pawh Dapchhuah leh Daplui inkarah lei minin a hnawh ping bawk a, hei hi thianfai tura hma lak nghal a ni a, siam tlang leh tawh nia thu dawn a ni. Muallungthu leh Khumtung inkar kawng thar pawh hmun thenkhatah leiminin a hnawh ping leh a, hei pawh hi kawng enkawltu PWD chuan khawchhe hnuaiah khawl hmangin an thianfai leh tawh nia thu dawn a ni.