Serchhip-ah chhungkaw pahnih luah lai in kang ral

0
360
views

Nimin chawhma dar 8:30 vel khan Serchhip Chanmari Veng-a Pu Lalchawimawina in, Assam Type chhungkaw pahnih luah lai chu bungraw engmah chuh hman lohvin a kang ral vek. Serchhip atanga thudawn danin in kang hi Chanmari Veng atanga Hriangtlang panna kawnga in tawp ber a ni a, a kan lai hian in neitu Pu Lalchawimawia te chhung hi ina an awm loh avangin a kan chhan hriat a ni lo. He in kang hi hriat thuai a nih loh avangin a kang tih hriat a nih hnua kangthelh pawl hriattir an nih chuan a lo kang nasa hman tawh a ni. Kangmei chhuahna hmun hi nimin khan Serchhip DC Office atangin SDC, Pu Beitlotha Nohro chuan a tlawh nghal a, Silpouline 3 a pek bakah hnatlang thingpui lum nan Chanmari Branch YMA hnenah Rs. 2,000/- a pe a, sorkar atanga tanpuina awm thei ang ngaihtuahsak tum a nih thu a sawi bawk. Salvation Army Serchhip Corps Emergency & Relief Team pawhin nimin vek khan kangmei tuarte tanpuina Chanmari Branch YMA kutah Rs. 3,000/- an hlan bawk.

Kangmei tuarte tan hian Chanmari Branch YMA chuan vawiin khan tanpuina a khawn nghal a, Serchhip Chanmari VC leh YMA ten In sakna hmanrua lakhawm nghalin, naktuk atangin hnatlangin an chenna tur in an sak sak dawn a ni.