Khawrel chhiatna lian tham thlen thulha mi mangang, chhanchhuah leh tanpui ngaite pui hmasa ber tu, Local Council memberte leh mi tlawmngaite chet lak dan tur zirtirna Disaster Management and Rehabilitation Department chuan vawiin khan Thuampui YMA Hall-ah a buatsaih.

0
173
views

He training-ah hian Local Council 8, Bawngkawn, Bawngkawn South, |huampui, Muanna Veng, Zuangtui, Folkland, Zemabawk leh Zemabawk North Local Council member-te an tel a, training hawnna inkhawm thusawitu, DM&R Director, Pu FJ Liantluanga chuan khawrel chhiatna, lirnghing leh thlipui tlehte chu hriat lawk theih ni lo mahsela kangmei leh leimin avanga chhiatna thleng tam tak erawh chu fimkhur chuan pumpelh theih niin a sawi a, khawrel chhiatna lo thleng theite hi a hun tur hre lo mah ila, fimkhura hmachhawn dan tur zir lawk chuan felfai zawk leh \ha zawkin a hmachhawn theih niin a sawi a ni. He training-ah hian Local Council member kal khawmte chu Assistant Director, Dr. Lalrokima Chenkual leh District Organiser Pu Zothansanga Hmar ten zirtirna an pe a ni. DM&R Department chuan Aizawl Bawrhsapin Aizawl khawpui Zone hranga a \hen dan zulzuiin khawrel chhiatna thlen thulha hmalak dan tur Local Council member-te a zirtir a, tun thla ni 13 khan Zone-I Local Council member-te zirtirna pek tawh a ni a, tun thla ni 25-ah Zone 3 Local Council member-te Ramhlun South YMA Hall-ah pek leh an ni ang.