Sorkar laipuiin khaw fai inelna Swachh Survekshan Gramin 2018 a buatsaih bawhzuiin Saitual khawpuiah faina beihpui vawiin atang khan thlak a ni.

0
267
views

A bul \an nan Saitual Auditorium, Saitual Venglai Middle School, Chawnpui Community Hall, Ruallung leh Rulchawm Community Hall-ah te faina kawnga mipuite zirtirna inkhawm neih a ni a, hengah te hian Civil SDO Office-a thawkte, Veng hrang hrang Village Council President te leh mi pawimawh dangten faina leh thianghlimna pawimawh zia sawiin, Mizoram pum huapa inelna neih mekah Saitual khawpui chu khaw fai ber a nih theih nan \an la turin mipuite an ngen a ni. He faina beihpuithlak hi faina kawnga mipuite rilru buatsaih lawkna tur a ni a, August ni 7-ah faina tura a taka beihpuithlak a ni ang. Saitual khawpui hi nikuma khaw fai inelnaah khan Mizoram pumah 3-na a ni a, pakhatna Biate leh pahnihna Hnahthial te an ni a, kumin hian Saitual chuan pakhatna nih tumin nasa takin \an a la dawn niin Sanitation Committee hruaitute chuan ZONET an hrilh a ni.