Khawvel hmun dang rualin Mizoramah Good Friday hmang

0
432
views

Mihringte sualna tlan tura Isua Krista khenbeh a nih champha, Good Friday chu khawvel hmun dangte rualin Mizorama Kohhran hrang hrangin nimin khan an hmang a. Kohhran tam zawk chuan Ninga zan a\ang khan lungngaih zan an hmang \an a. Presbyterian Kohhran chuan Good Friday-ah hian chawhma, chawhnu leh zan inkhawmah te Synod a\anga thupui thlan sa hmangin Pathian thuchah an ngaithla a ni. Salvation Army chuan Corps hrang hrangah an remchan danin an hmang hlawm a, Corps \henkhat chu ruai nena lawm pawh an awm a ni. Mizoram Baptist Kohhran pawhin Good Friday hi Ninga zan a\angin an hmang \ana, nimin chawhma inkhawmah Headquarters a\anga thupui thlan sa, ‘Amah ngeiin thingah khan a taksain kan sualte a phur a’ tih hmangin sermon an ngaithla a, zan lamah chuan tualchhung Kohhranten an remchan danin an hmang hlawm a ni. Catholic Kohhran chuan, Lal Isua tuarna \awmpuina lantir nan Kohhran hrang hrangin Kross kawngzawh an nei a, Biak in an thlen hnuah Kross chawimawina neiin, Eukaris ruai an \heh a ni.