Mizorama Kohhran hrang hrangin Easter Sunday an lawm dawn

0
292
views

Naktuk Pathianni hi Isua Krista, Kross-a khenbeh a nih hnua a thawhlehna champha, Easter Sunday a ni a, Mizorama Kohhran hrang hrangin an lawm dawn. Kohhran tam zawk chuan Easter sunday hi zanin a\angin an hmang \an dawn a. Catholic Kohhran chuan Isua Krista thawhlehna pualin zanin hian enna inkhawm an buatsaih dawn a, naktukah hemi puala inkhawm an nei chhunzawm ang a, Kohhran tam zawk chuan tlaiah ruai an \heh dawn a ni. Presbyterian Kohhran chuan naktuk chawhma inkhawmah thupui thlan sa, ‘hetah a awm tawh lo, a thawh leh tawh kha’ tih hmangin Pathian thuchah an ngaithla ang a, chawhnu inkhawmah ‘hmu lova ringtute an nihlawh’ tih leh zan inkhawmah ‘taksa thawhlehna ka ring’ tih hmangin Pathian thuchah an ngaithla ang a, Isua Krista thawhlehna lawmna atan thingpui ruai an \heh dawn a ni. Salvation Army chuan kumtin an tih \hin angin, Corps hrang hranga Brass Band-in var\ianah Isua Krista thawhlehna thu puan chhuah nan khawlaiah a tho leh ta tih an rem dawn a. Corps hrang hrang chuan he ni hi thil \ha tihna atan an hmang dawn a, Dawrpui Vengthar Corps chuan naktuk zingah Aizawl Civil Hospital-a damlo leh anmahni awmpuitute tan artui leh bawnghnute an sem dawn a ni. Chawhma inkhawm banah thingpui ruai an \heh bawk ang. Isua Krista thawhlehna pual hian Kohhran hrang hrang \halai chuan naktuk zing var\ianah thawhlehna pual inkhawm an buatsaih hlawm dawn a ni.