Zonet corr in pisa hrang hrang a tlawhkualnaah thawktute tih loh pawn lam mi pisa dawr hmuh tur an awm meuh lo a, pisa dawr tura kal te pawh \ul bik thil tak chauh tia kal te an ni hlawm. Nidanga pisa lun ber thin MINECO a Secretariat-ah pawh mihring an tlem a, thawktute bak hmuh tur an awm loh bakah Minister te pawh pisa kai an awm meuh lo a, Secretariat a lut tur te chu pawn lam mi emaw thawktu emaw pawh nise Thermal Scanner hmanga endik vek an ni a, Hand Sanitizer hmanga an kut tihfai tir an nih hnuah luh tir chauh an ni. Hetiang bawk hian sorakr pisa hrang hrang te pawh kalpui a ni a, thermal scanner hman lohnaah pawh kutsilna tur chhawp a ni hlawm a. Chief Minister pisa a lut tur te pawh Thermal Scanner hmanga endik vek an nih bakah kut silfaina hand sanitizer hmanga an kut silfai hmasak tir vek an ni.
