Zonet in Aizawl khawpui a fan kualnaah Covid 19 hri len hmaa inrinni tuk aiin mipui chhuak tlem deuh mah se, Aizawl khawpui laili-ah chuan mipui chevel hmuh tur an la tam hle a, lirthei tlan pawh ala tam hle a, kawng sira sorkarin lirthei hunna tura a siam te pawh lirthei inhung ala tam hle. Ni dang aiin lirthei che vel tlem deuhin lang mahse hmun \henkhatah chuan traffic jam khawpin a la tawt a ni. Zonet zawhna chhangin Traffic Police te chuan lirthei tlan zat chu a tlahniam ngei tih an sawi a, chawhma lam aiin chawhnu lamah lirthei tlan a tam tih an sawi. Aizawla Mall lian awm chhun Millenium Center erawh a thawl hle a, nidanga a bathlara mipui \hu chawl tam tak awm \hin chu hmuh tur an awm meuh lo a, dawr te pawh inhawng mahse dawrtu an awm meuh lo a ni. Hetihlai hian Damdawi zawrhna dawr te erawh a lun hlawm hle a, damdawi lei an awm bakah kut tifaina hand sanitizer leh hmai ruamna mask lei tum \hahnem tak hmuh tur an awm a. Dawr \henkhat inkhar hmuh tur a awm nual bawk.
