Art & Culture Minister, Pu R. Romawia’n vawiin khan Kolasib District Library Extension Building thar, cheng nuai 50 senga sak a hawng a, electronic media-ah thil chi hrang hrang hriat tur leh en tur a tam avangin mipuiten lehkhabu chhiar pawimawhna an hre tawk tawh lo nia sawiin, lehkhabu chhiar tam turin mipuite chu a fuih a ni. Art & Culture Minister chuan, Mizo tawng a ral mai loh nan a hman dan dik leh ziah dan dik ngai pawimawh turin mipuite a ngen a bawk. Kolasib District Library Extension Building sakna sum hi Raja Rammohan Roy Library Foundation National Mission on Library atanga hmuh a ni a, he Library-ah hian lehkhabu 24,000 chuang a awm tawh a ni. A hawnna inkhawm hi Art & Culture Director, Pu R. Hmingthanzuala’n a kaihruai a ni.
