Kolasib Sub Hqrs. YMA Conference vawi 6-na-ah rorel a ni

0
296
views

Kolasib Sub Hqrs. YMA Conference vawi 6-na Thawhlehni zana Thingdawla \anah nimin nileng khan an President, Pu C. Liankunga kaihhruaia rorel a ni a, hetah hian sorkar khawih thutlukna siam te chu Tripura-a Mizoram Bru awm, Mizorama let duh lote awm hlen nan sorkarin hma la rawh se tih te, Assam leh Mizoram ramri buai chingfel turin sorkarin hma la thuai rawh se tih te, Mizoram leilung fa ni lo, dan lova Mizorama awm te dap chhuah ni rawh se tih te a tel a ni. Hemi bakah hian Mizoram chhunga kawng siam vil zui leh a \ha zawnga social media hman te, Kolasib-a MPSC exam centre te, Thingdawla Nursing School hawn tawh te a nih dan tur anga hman thuai leh Thingdawla Polytechnic hawn thuai a nih theihna tura hmalak \ul an tih thu te an pass a ni. Hemi bakah hian ruihhlo do kawnga chak zawka hmalak te, hmunphiah neituten hlawk zawka an hmunphiah thar chhuah an hralh theihna turin YMA-in sorkar ngen rawh se tih te a tel a ni. He Conference-ah hian kum 2018 a\anga kum 2020 thlenga Sub Hqrs. hruaitu turte thlan an ni a, chungte chu President-ah Pu C. Liankunga, Vice President-ah Pu Lalrinmawia Ngente, Secy.-ah Pu Thomas D. Lalengliana, Asst. Secy.-ah Pu Lalzokima, Treasurer-ah Pu Lalnunmawia leh Fin. Secy.-ah Pu R. Lalramchhana te an ni. Kum 2018-2019 chhunga an budget atan Rs. 9,77,312/- pawm a ni bawk. He Conference hi Central YMA hruaituten an hmanpui a, zaninah a \iak dawn a ni.