Member 20 awmna, Chakma Autonomous District Council inthlanna atan bial 19-a naktuka vote thlak turin ruahmanna engkim peihfel vek a ni. State Election Commission a\anga thudawn danin nimin piaha Polling Party chhuakte chu biak kim vek theih ni lo mah se, an duty-na tur hmun \heuh thleng kimin naktuka vote thlak tir turin ruahmanna engkim peihfel nia thudawn a ni a, ramri hrula Polling Station ven uluk ngai zual 6 awm te pawh \ha taka ven an ni. Vote thlak hi naktuk zing dar 7-a \anin tlai dar thleng chhunzawm a ni ang a, vote thlakna atana hman EVM te chu Chawngteah lakkhawma, tun thla ni 24, karleh Thawhlehniah chhiar a, result pawh puan nghal a ni ang. Puan tawh angin vote thlak nan Polling Station 66 ruahman a ni a, hengah te hian vote nei mi 30,565 te chuan candidate 63 zing a\angin an aiawha roreltu tur an thlang dawn a, chungte chu Congress Candidate 19, MNF Candidate 18, BJP Candidate 19 leh Independent 7 te an ni.
