Kolkata-a NIAS Chairman-in nikum February ni 21-a Mizoram Sorkar hnena cheng nuai 42 hu Cheque-a a rawn pekna chu Cheque thi a nih avangin NIAS hotute hnen atangin sum dawn ala ni lo

0
347
views

Kolkata-a NIAS Chairman-in nikum February ni 21-a Mizoram Sorkar hnena cheng nuai 42 hu Cheque-a a rawn pekna chu Cheque thi a nih avangin NIAS hotute hnen a\angin sum dawn ala ni lo tih Labour, Employment, Skill Development and Entrepreneurship Minister, Pu H. Rohluna’n a sawi.

MNF member, Pu Lalruatkima zawhna leh zawhbelhna dangte a channaah Pu H. Rohluna chuan, nikum Februay ni 23-a Chief Minister-in NIAS hotute hnen a\anga Mizoram Sorkar-in pawisa a hmuh let tawh thu leh Cheque 10, pakhat Rs. 4,20,000 zel hu dawn a nih thu a sawi chu khatih lai kha chuan thudik a ni tih sawiin, hemi hnu nikum March ni 3 khan NIAS Chairman, Mainak Saha chuan LESDE Secretary hnenah lehkha thawnin,Mizoram Sorkar hnena Cheque 10 a rawn thawn chu vauna hnuaia a ziah a nih thu leh heng Cheque-te hi a nun loh thu alo hriattir leh niin a sawi. LESDE Minister-in House a hrilh danin, NIAS-a zirlaite senso a tana Mizoram Sorkar-in sum a pek zat chu kum 2014, August ni 8-ah Rs. 66,09,900, hemi kum vek September in 15-ah Rs. 4,40,660 leh a tuk September in 16-ah Rs. 57,68,640 a vaiin Rs. 1,28,19,200 a ni a, heng sumte hi a pek dan tur ang taka pek a nih loh thu leh a chhan tak sawi thei lo mah se, a tirah zirlai 30 tirh tur tih a nih laiin zirlai 32 tan admission tih sak a ni leh avangin pawisa ngai zat leh pek dan chu tihdanglam a ni ta nual a, hei hi NIAS a zirlaite tirh an nih chungchanga buaina chhuah tak chhan a nih thu a sawi. Mizoram Building and Others Construction Worker Welfare Board-a member inziak lut tlakhniam chhan chu tun hnaiah NIAS leh thil dang dang vanga thawktu an insiksawi nasat vang a nih thu leh, hetih rual hian MBOCWWB Fund chu hmuh zel a nih thu Pu H Rohluna chuan a sawi a ni.