KTP General Conference neih tur atan inbuatsaihna zo fel

0
537
views

KTP General Conference vawi 57-na, March ni 1, Ningani atanga ni 4 thlenga West Phailenga neih tur atan inbuatsaihna zawhfel a ni ta a, Pandal hi naktuk zan dar 7:30 ah Pathian hnenah hlan a ni ang. Hlanna inkhawm Pandal-a neih tur chu bialtu Pastor, RK Lalnunmawia’n a kaihruai ang a, hetah hian Dinthar KTP-in Theme Song an sa ang a, Salvation Army Captain, RD Lalhmingtana’n hunserh a hmang ang a, tawngtairualin Pandal chu Pathian hnenah hlan a ni ang. Hlanna inkhawmah hian bial zaipawl pawh an zai ang a, inkhawm chu Baptist Pastor, P. Roluahpuia’n malsawmnain a tin dawn a ni. West Phaileng khelmuala KTP General Conference hmanna tur Pandal hi a dung ft 275, a vang ft 170 a lian, mi 12,000 vel leng thei tura sak a ni a, hemi bakah hian a pawnlamah mi 1,000 lenna tura tihzauh belh a nih avangin mi 13,000 an leng thei dawn a ni.