Kum 2012-a 2nd IR Batallion Khawzawl sipaiten professional tax an pek khawm, Rs. 18,99,820 tih chingpen thuah a hunlaia Cashier Sub Inspector Ministerial R Vanlal\ana chu court in thiam loh a chantir.

0
246
views

 

Prevention of Corruption Act hnuaia Special Court Judge Pu Thang Lianmang Guite chuan thutlukna hi nimin khan a puang a, sum ti chingpentu-a puh R Vanlal\ana hi hrehawm taka kum 4 lungin tang tur leh Rs. 50,000 chawi turin a hrem a, pawisa chawi tur a nei lo anih chuan kum khat dang a tan belh ang.

Hetihlai hian thiam loh chantir tak, R Vanlal\ana pension sum leh ham\hatna dang hren sak mekte chu pek chhuah turin Court chuan a rel thung a, sum chingpen Rs. 18,99,820 hmuh let leh dan tur erawh chu Special Court tih tih tur chin bak a ni tih court thuremnaah tarlan a ni.

2nd IR Batallion Khawzawl sipaiten professional tax an pek khawm, Rs. 18,99,820 tih chingpen thuah hian vantlang rawngbawl hna thawktu Pi Vanramchhuangi chuan Kum 2013 July ni 22 khan Anti Corruption Bureau ah FIR a thehlut a ni.