Kum 2017-18 chhunga Mizoram kawngpui enkawlna atan cheng vbc 76.4 dah tih PWD Minister-in sawi

0
488
views

PWD Minister, Pu Lal Thanzara’n kum 2017-18 chhunga Mizoram kawngpui enkawlna, Road Maintenance Fund atan cheng vaibelchhe 76 leh nuai 4 dah a ni tih a sawi. He thu hi Assembly thlasik \hutkhawm neih zawh taka MNF member, Dr. K. beichhua zawhna ziaka a chhannaah sawiin, kawngpui enkawlna atan hian Roads and Bridges Head hnuaiah cheng vaibelchhe 39 leh nuai 50 dah a nih bakah NEDP a\angin cheng vaibelchhe 27 leh nuai 54 dah a ni a, a vaia kawngpui enkawlna atana sum neih chu cheng vaibelchhe 76 leh nuai 4 a ni tih a sawi. Pu Lal Thanzara chuan, Mizoram PWD hian State Road kilometre 4,662.66 a thui a enkawl mek thu leh kawng enkawlna atan sum dah a\anga hian kawngpui Kilometre 1 zela thui siam nan cheng 1,43,780.58 awm ang a nih thu a sawi a. Kawngpui enkawl tur hian Maintenance Action Plan siam a ni a, kawng enkawl hna chi hrang hrang thawh a ni a, sorkar kum kal mek chhung hian hmun 27-ah lungrem, cheng nuai 141.41 man thawh tum a nih thu leh cheng nuai 83.72 senga culvert 21 siam tum a nih thu a sawi a, tun thlenga kawngpui enkawlna atan sum sen tawh zat chu a vaiin cheng nuai 1,320.22 a ni tih PWD Minister chuan a sawi bawk.