Kum 2015-16 chhung khan Aizawl Municipal Corporation (AMC)-in Tender chhuah lovin Contract hna 970 a pe chhuak niin CAG Report-in a tarlang a. Hemi chungchang hi tun kar Ningani, Assembly thlasik \hutkhawm tawp ni-a Finance Minister, Pu Lalsawta’n kum 2016, March ni 31 thlenga Rural leh Urban Local Body-te hnathawh dan, CAG-in a endikna, Annual Technical Inspection Report a pharhah tarlan a ni a. Report a\anga a lan danin, kum 2015-16 chhung khan AMC hian 13th Finance Commission a\angin hmun 1,270-a hmasawnna hna thawhna atan cheng vaibelchhe 16 leh nuai 96 a hmu a, heng hnate hi Contractor hmanga thawh a ni a, chung zinga 970 chu Tender chhuah lovin Contractor hnenah pek a ni a, hei hi hnathawhna atan sum hmuh cheng vaibelchhe 16 leh nuai 96 a\anga cheng vaibelchhe 16 man vel a ni. CAG chuan, Central PWD Works Manual ang chuan hna thawh tur, cheng sing 5 man aia tam reng reng chu thil hmanhmawh thlak bik a nih loh chuan Tender chhuah zel tur a ni tih a tarlang nia sawiin, hemi chungchanga AMC thiltih dan chu dan bawhchhiatna a nih thu leh AMC hnuaia hnathawh viltu, Engineering Cell-in nikum November ni 18 a\ang ni 23 chhunga Ward 7 huam chhunga hnathawh 163 an endikna a\angin hnathawh \ha tawk lo hmuh chhuah a awm nual niin a sawi a. Engineering Cell-in a endik zinga hnathawh 10, cheng nuai 7.55 man chu vantlang tana \angkaina nei lo, mimal ram chhungah thawh a ni a, hna dang 2, cheng nuai 1.45 man chu hnathawh \ha tawk lo avangin a \angkai tur angin a \angkai tawk lova, hna 5, cheng nuai 5.15 man chu hnathawh hmuh tur awm lo leh hna 5, cheng nuai 9.80 man chu sum siamna atana phuahchawp leh hna dang 7, cheng nuai 10.01 man pawh a nih tur ang ni phak lo a ni a. CAG chuan, tun hnua AMC hnuaia hnathawh tur reng reng, cheng sing 5 man aia tam chu tender hmang chauhva Contractor hnena pek \ha a tih thu leh hnathawh reng reng chu uluk zawka vil \ha a tih thu report-ah chuan a tarlang bawk.
