East Tuipui Bialtu MLA, Pu T. Sangkunga chuan kum lama upate chu an ngaihtuahna chawlhtir mai lova, tangkai taka hman chhunzawm zel turin a fuih. He thu hi Vaphai Area MUP Conference vawi 14-na vawiina Vaphai Community Hall-a neihah sawiin Pu T. Sangkunga chuan Upate chu tawnhriat ngah leh thluak fim tawh an nih avangin an thuawih chu hlawhtlinna bul niin a sawi a ni. He Conference hi Area President, Pu C. Laldingliana’n a kaihruai a ni.
