Kumin chhungin Mizoramah sikserh vei mi 2,084 hmuchhuak tawh

0
810
views

Health Department chhinchhiah danin kumin January leh July inkar chhung khan Mizoramah sikserh vei, mi 2,084 hmuh chhuah an ni a, he natna veia inringhlel, an thisen endik, mi 87,594 zinga 2,084 chu sikserh vei tih hmuh chhuah an ni a, an zinga 303 chu Malaria PV vei an ni a, 1,781 chu malaria PF vei an ni. Hemi chhung hian Dengue vei nia inringhlel, khawl hmanga thisen endik 458 zinga mi 51 chu he natna vei tih hriat an ni a, Sikserh leh Dengue vei hmuh chhuahte hi enkawl dam vek an ni. Health Department hotute chuan Fur ruahtui tlak tam lai a nih avangin heng natna chi hnih tam hun lai a ni tih hriaa heng natna thlentu, thosi pian theihna tui tling siam lo tur leh in leh a vel vawng thianghlim turin mipuite an ngen a, in chhunga pangpar khawina hun chhana tui tlingah pawh thosi a pian theih avangin tui tling thei lo tura siam a tul tih sawiin, sikserh emaw, Dengue emaw veia inringhlelte chu an thisen endik tir thuai turin an ngen bawk a ni.