Labour, Employment, Skill Development and entrepreneuship Minister Pu Lalchhandama Ralte-in UD&PA Department buatsaih, khawpui hmasawn zelna tur kutpui Deendayal Antyodaya Yojana – National Urban Livelihoods Mission (DAY-NULM) Pakhwada, Shehri Samridhi Utsav chu Aizawl City Park-ah a hawng.

Minister chuan kawngpui tha, building tha leh inbiakpawhna tha neih te chu hmasawnna ni mahse, rethei leh hausa inkar a hlat a, mipui hmasawnna a inkhairual si loh chuan hmasawnna tluantling a ni thei lo, a ti a. Khawpui chhunga cheng, mi rethei zawkte, pianphunga rualbanlote leh hmeichhiaten kawng tinrenga hma an sawn theihna tur DAY-NULM hnuaia hmalakna hrang hrang te chu \angkai taka hman a \ul a ni a ti. Shehri Samridhi Utsav hi India ram pumah February ni 1 atanga February ni 15 inkar hian hman mek a ni a, Mizoramah pawh District tinah hman a ni. He kutpuiin a tum chu DAY-NULM hnuaia hamthatna awmte khawpuia cheng mi retheiten \angkai taka an hman theihna tura zau taka puanzar a ni.

Hawnna inkhawm hi UD&PA Secretary Dr.C.Vanlalramsanga’n a kaihhruai a, Minister hian loan sanction letter a semchhuak bawk a ni.