Lai Autonomous District Council hnuaia Village Council pathuma Bye-Election naktuka nei turin ruahmanna engkim peihfel a ni. Mizoram State Election Commission a\anga vawiin chawhnua ZONET thudawn danin seat 4 atana inthlanna neihna tur Damluiah chuan candidate 9 an awm a, chungte chu Congress candidate 4 leh MNF candidate 4 bakah MPC candidate 1 an ni a, seat 1 atana inthlanna neihna tur Thingkah VC-ah chuan candidate 4 an awm a, chungte chu Congress candidate leh MNF candidate 1 ve ve bakah Independent 2 an ni a, seat khat dang atana inthlanna neihna tur Ngengpuikaiah chuan MNF candidate leh Congress candidate ten he seat hi an inchuh dawn a ni. He inthlanna neih turah hian Returning Officer leh Polling Officer te chuan inthlanna tur khua \heuh thleng tawhin naktuk zing dar 7 a\anga tlai dar 5 thleng vote thlak theihna turin ruahmanna engkim an siam fel tawh a, vote tla te hi naktuk tlaia vote thlak zawh hnuah chhiar zuia, result pawh puan a ni ang. VC pathuma Bye-Election neih turah hian vote nei mi 1,709 an awm a ni.
