Mizoram sorkar in Lottery tender a tih chhuah danah thil fel lo tam tak a awm niin MNF in an sawi

0
249
views

Mizoram sorkar in Lottery tender a tih chhuah danah thil fel lo tam tak a awm niin MNF in an sawi.

MNF Vigilance Dept Vice Chairman Pu L Thangmawia chuan vawiin khan Aizawlah chanchinbumite kawmin Sorkarin May ni 30-a Lottery Tender a chhuah danah thil fel lo a awm nia sawiin, Lottery Agent te an hun tawp tawh hnua Sorkarin a la chhunzawm tir chu ti tawp nghal turin an phut tih a sawi a, Lottery agent-te term chu May ni 29-ah a tawp tawh a, sorkar in a tuk ni 30 ah tender a chhuah leh nghal a, Lottery Agent-te term tawp hun hre chungin sorkarin hun tawp hmaa ternder a ko lo leh Agent te an hun tawp hnu thlenga chhunzawm tir an ni chu thil dik lo niin a sawi a, Sorkarin Tender chhang thei tur chin a a bithlaih thar pawh tuna Agent 4 te duhsakna lian tak nia an ngaih thu a sawi.

Pu L Thangmawia chuan, Lottery chungchangah Chief Minister Pu Lal Thanhawla chu thuk taka inrawlhah a puh a, nikum May ni 12 khan Congress Bhavan-ah Lottery chungchang CBI chhui tir MNF in an duh chuan amah hriattir tur leh CBI te a chhui tir tur thu a sawi niin a sawi a, hemi bawhzui hian \um engemawzat CBI chhuitir tura an ngen hnuah pawh tun thlenga chhuitir a la ni ta lo tih sawiin, CM chu CBI chhuitir ngam tak tak loah a puh a ni.

Pu L Thangmawia chuan, Lottery a\anga sum lut tam si, sorkara chhunluh tlem si chu siam\hat a nih theih nan tuna sorkarin tender a chhuah chu sut tura an phut thu te, firm tam zawkin an chhan theih tura kawng hawng zau tur leh lottery hralhna pumpui a\anga zaa 0.5 pawh sorkar sum bawma lut pha lo chu zaa 20 tal a luh theihna tura hmala tura sorkar an phut thu te a sawi.