Lalhriatpuii ruang Chhinga Veng-a an chenna in thlenpui a ni

0
661
views

Bagha-a tualthi, Aizawl Chhinga Veng nula, Lalhriatpuii ruang chu tukin dar 4:25 khan Chhinga Venga an chenna in thlenpui a ni a, vawiin khan vui nghal a ni a, mi tam takin an thlah liam a ni. Chhinga Veng nula Lalhriatpuii, LT Zauva (L) fanu ruang hi Bagha-a in sakna bungrua an leina, Toibur Rahman Bhorbhuiya, Mizoten Rimpi-a tia an hriat \hin in bula dilah nimin zing khan hmuh a ni a, Dholai Police Station-a Police-ten buaipui nghalin, nimin chawhnu khan Silchar Medical College-ah Doctor-ten an endik a, hemi hnu hian a ruang hi Aizawl rawn panpui a ni. He nula hi mi kut tuara thi nia hriat a ni a, hemi chungchangah hian Mizoram Police chuan thuchhuah siamin, a thihna hi Cachar District-a Dholai Police Station huam chhung ni mah se, Vairengte Police OC chuan Dholai Police-te hnathawh hi enpuiin a bawhzui pui a, Dholai Police Station-ah tualthah thubuai ziah luh a ni a, an bungraw leina dawr neitu, Toibur Rahman Bhorbhuiya leh Lalhriatpuii te motor khalhtu, Lalhmingliana chu thu zawhfiah atan man nghalin, an hreng mek a, thu chiang hriat a la ni lo niin an sawi. He inthahna thleng chungchangah hian Kolasib SP leh Cachar SP te chu an inbe pawp reng bawk a ni. Chhinga Veng nula, Lalhriatpuii ruang chharna hmun hi Home Minister, Pu R. Lalzirliana chuan naktukah a tlawh dawn a, DIG Northern & Southern Range, Pu Joseph Lalchhuana’n a \awiawm ang. Police hotute chuan he thil thleng chungchangah hian Social Media-a thu theh darh kawngah fimkhur turin mipuite an ngen a ni.