Media Workshop on Climate Change Reporting Aijal Club-ah Larsap-in hawng

0
536
views

Swiss Agency for Development and Cooperation hnuaia Indian Himalayas Climate Adaptation Programme, sorkar laipuia Science and Technology Department, Mizoram State Climate Change Cell, Mizoram Science, Technology and Innovation Council leh Centre for Media Studies \angho buatsaih, Media Workshop on Climate Change Reporting chu nimin khan Larsap, Lt. Gen. Nirbhay Sharma-a’n Aijal Club-ah a hawng a, he Workshop hian ni thum chhung a awh ang. Larsap chuan, sik leh sa inthlak dan danglam ta chu kum tam tak a\anga hriat a ni tawh chungin, nghawng a neih ring lo tam tak an la awm niin a sawi a, Mizoramah pawh ruah tui tlak dan a mumal lova, a tlak hun chhung a rei a, a tam tial tial bawk nia sawiin, hei hian tui tlan turah harsatna a thlen a, thlaiin a chhiat phah a, natna hrik a pun phah bawk a, mipui hriselna pawhin a tuar niin a sawi. Science & Technology Minister, Pu Lalsawta pawhin sik leh sa inthlak danglam avangin Mizoramah kumin February a\anga ruah tla chu a la chhunzawm ta zel niin a sawi a, hemi avang hian in leh lo leh nunna chan hial an awm niin a sawi bawk. Workshop neih chhung hian mi thiamten thupui hrang hrang hmangin an zirtir \hin dawn a ni.