Minister hi PWD Hmuifang Division Executive Engineer, Pu R Zirsangliana leh SDO Pu Lalremruata ten an enpui a ni. PMGSY hnuaia Hmuifang a\anga Lamchhip leh Chawilung pawh tur PMGSY kawng siam mek hi km 10.38-a thui a ni a, meter 6-a zauva laiha, blacktop chin meter 3 tling tur a ni a, kawngsira tuihawk luanna siam nan leh leimin thei venna atana lungrem ngai zawng zawng nen Rs. 6,03,32,950/- senga zawhfel tur a ni a, he hna hi Mizoram Technocrats Company-in nikum November thla a\ang khan a thawk \an a, kum 2 chhunga zawhfel tur a ni. Minister chuan an hna thawh chu \ha taka zawh tum turin hnathawktute a fuih a ni. Hemi rual hian Pu KS Thanga chuan Lamchhip leh Chawilung khuaa Community Hall sak mekte a tlawh bawk a, heng khuaah te hian tlawmngai pawl lian YMA, MHIP leh MUP ten an dinhmun leh harsatna chi hrang hrang an tawh te Minister hi an hrilh bawk a ni.
