Siaha District-a Kaochao East, tun hmalama Kawlchaw East tia hriat \hinah nimin khan Theihai kutpui hman a ni.

0
315
views

He Mango Fruit Festival-ah hian Kawlchaw East-a hlawhtling taka theihai chingtute chuan Siaha Horticulture Division, KVK Siaha leh AMFU Siaha District ruahmanna siam angin an theihai thar chhuah mipuite hmuh turin an phochhuak a, an hralh nghal bawk a ni. Mango Fruit Festival-a khuallian, Mara Autonomous District Council-a Executive Member, Horticulture changtu Pu KH Beihlo chuan thusawiin, Pathian thu anga thlan tla zawih zawiha hnathawkte chuan hlawhtlinna an chang ta niin a sawi a, tuna an dinhmun chu duhtawk mai lova, tam zawk thar chhuak tura \an la turin a fuih a ni. He theihai kutpui hi AMFU Kaochao East President, Pu M. Beiratlua-an a kaihruai a, hetah hian District Horticulture Officer, Pu CH Lalmuanpuia Kaochao East-a theihai chingtute theihai chin \an dan leh hlawhtlinna an hmuh dan a tarlang a ni.
Kaochao ‘E’ khuaah hian chhungkaw 237 an awm a, an zinga chhungkaw 65-in theihai an ching a, hemi hnu hian chhungkaw 18 dangin NLUP theihai an ching leh tawh bawk a ni.